Aumentu de llamaes spam pa contratar lluz y gas primero que'l Gobiernu prohíba les contrataciones vía telefónica

La UCE aconseya apuntase a la llista Robinson pa evitar el spam

Les llamaes de comercializadoras de gas y electricidá aumenten de cara a la seronda, en busca de veceros. Anque la UCE cree que nes próximes selmanes va haber más que nunca. Una reacción del sector énte l'anunciu de la llei que prohíbe la contratación telefónica d'estos servicios apunta Dacio Alonso, presidente de la Unión de Consumidores d'Asturies.

L'aumentu del spam amuesa que la llei xeneral de telecomunicaciones, que quería frenalo, foi un fracasu. Asina lo valora la UCE. Esta asociación encamienta apuntase a la llista Robinson y, si vuelven llamar, anotar el númberu y denunciar énte l'axencia española de protección de datos.

El 60% de les reclamaciones de los consumidores tán rellacionaes con llamaes publicitaries. La mayoría de bancos y eléctriques siguíes de los operadores de telefonía.