Certame Nacional de Curtiumetraxes en 'Avilés Acción'

L'oxetivu ye potenciar la formación y la creación audiovisual

Avilés convirtióse nun improvisáu plató de cine, onde los alumnos busquen distintos escenarios pa falar de racismu, acosu llaboral o bullying, ente otros. El retu ye escribir, producir, rodar y montar un curtiumetraxe en tres díes, con Avilés como escenariu.

L'oxetivu d'esta actividá ye potenciar la formación y la creación alredor de lo audiovisual. Amás, como novedá, anguaño'l festival cunta con dos nueves secciones.

Esta edición marcó un récord, con 900 trabayos inscritos, de los que van escoyese 25 curtiumetraxes finalistes que van competir na sección oficial, la de curtiumetraxes asturianos y la de documentales.