El retratu más personal d'Alejandro Casona

Un llibru repasa la vida y obra del escritor cangués

L’escritor de Cangas del Narcea Alfonso López Alfonso escribió un llibru que repasa la vida y la obra del tamién escritor cangués Alejandro Casona, sobre manera autor teatral que vivió na primer metá del sieglu XX. Revela facetes de la so vida personal, hasta agora poco conocíes, que dexen entender meyor cómo creó la so obra. Preséntase en Cangas el 17 d’ochobre.

Nesti volume ta sobre manera Casona, l’home. Ta tamién l’autor, por supuestu, el poeta de los primeros años como maestru en La Vall d'Arán. El director de les 'Misiones Pedagógicas'. El que cameló al públicu na II República, con Nuestra Natacha. Y el que dempués de la Guerra tuvo que volver a entamar, sobre manera en L’Arxentina, y volvió a trunfar con La dama del alba, Los árboles mueren de pie o La casa de los siete balcones. El mesmu que se codeó colos meyores escritores del momentu, como confirmen dalgunes de les cartes inédites que se puen lleer agora gracies a esti volume.

Pero nél ta sobre manera Casona, l’home, el que se nos revela nes cartes guardaes pol so sobrín n’Uviéu, ente elles les que cambió Alejandro con so padre, que-y falaba del so hermanu, con una trayectoria mui distinta a la del escritor.

El llibru nun ye un apurrimientu más a la escomanda bibliografía sobre l’autor de Cangas del Narcea. Ye ún qu’amuesa una faceta hasta agora poco esplorada y qu’evidencia, de pasu, que nun se pue entender tola obra d’un autor ensin entender la persona que foi.