Serrat tendrá un alcuentru col públicu nel Xovellanos el miércoles 23 d'ochobre

La Selmana de Premios inxertará más actividaes al rodiu de la figura del Premiu Princesa de les Artes

Joan Manuel Serrat repasará la so trayectoria vital y profesional nel Teatru Xovellanos el miércoles 23 d'ochobre nuna conversación, abierta al públicu, col periodista Iñaki Gabilondo.

Nun sedrá l'únicu actu nel que participará'l Premiu Princesa de les Artes dientro de la Selmana de los Premios. El día enantes, martes 22, tendrá un alcuentru con profesoráu y alumnáu del Institutu Río Nora de La Pola (Siero), participantes de les actividaes que'l programa 'Toma la Palabra' desendolca estos díes al rodiu de la so figura.

Na Fábrica d'Armes y en Güeñu habrá tamién conciertos col so repertoriu y una mesa redonda sobre l'apurrimientu del premiáu a la música española, na que participarán ente otros Ismael Serrano y Pasión Vega.