El cartelu del FICX llanza un chisgu a la diversidá d'espectadores del certame

El cineasta Albert Serra, Concha d'Oru en San Sebastián, podría tar nel FICX

Falta la confirmación definitiva, pero ye más que probable que'l catalán Albert Serra vuelva un añu más a Xixón, esta vegada dempués de coronase cola Concha d'Oru en San Sebastián pol so documental sobre la tauromaquia: 'Tardes de soledad' apunta Alejandro Díaz Castaño, director del Festival Internacional de Cine de Xixón.

El 15 de payares arranca la fiesta del cine independiente y lo que yá ta zarráu y se desveló ye la programación pa los más pequeños y el públicu mozu: la sección 'Enfants Terribles'. Sedrán 16 títulos, más que nunca pa una sección que se quier reforzar.

Ente les cintes destacaes, dos de les meyores del añu n'Europa. La islandesa 'When the light breaks' y la francesa 'L'histoire de Souleymane'.

Peles sales pasaron l'añu pasáu unos 11.000 estudiantes, lloñe entá de los 19.000 del añu anterior a la pandemia. Ehí ta'l retu.