La Fundación Princesa d'Asturies avera la trayectoria de los premiaos con 100 actos

La 'Selmana de los Premios' va arrincar el día 12 en distintos puntos del Principáu

La Fundación Princesa d'Asturies diseñó un programa compuestu por cien actividaes culturales. En munches d’elles van participar los galardonaos d'anguaño y tamién dalgunos d'ediciones anteriores, nos díes previos a la ceremonia d'entrega de los premios que se van celebrar el día 25 d'ochobre nel Teatru Campoamor d'Uviéu.

La conocida como 'Selmana de los Premios' va ampliase anguaño y va arrincar el día 12 en distintos puntos de la comunidá por mor del décimu aniversariu de la princesa Leonor como presidenta d'honor d'esta institución y de la so mayoría d'edá.

Los llugares d'Uviéu, Xixón, Avilés, La Pola (Siero), Grau, Moreda y Güeñu van allugar un programa d'actos que tien como propósitu averar "la trayectoria y los valores" de los galardonaos colos Premios Princesa y que tienen una acoyida "espectacular" por parte del públicu, destacó la directora de la Fundación, Teresa Sanjurjo.

Na rueda de prensa de presentación de la programación, Sanjurjo destacó la respuesta dada polos premiaos a toles actividaes diseñaes y “l'arrogancia" cola que s’abren a los asistentes.