La Guardia Civil, protagonista nel VIII Capítulu de la Cofradía del Quesu Gamonéu

El GREIM de Cangues d'Onís y la Unidá d'Helicópteros de la Guardia Civil, nomaos Cofrades d'Honor

Un vistosu pasucáis pela avenida de Cuadonga de Cangues d’Onís marcó l’entamu del día grande de la Cofradía del Quesu Gamonéu que celebró’l so VIII Capítulu.

El más destacáu de los nomamientos, el de Cofrades d’Honor, foi pa los miembros del GREIM de Cangues d’Onís y de la Unidá d’Helicópteros de la Guardia Civil n’Asturies.

Tamién hubo ocasión de reconocer el llabor fechu por dalgunos cofrades que nel so momentu llevaron les riendes d’esta cofradía, a la que s’inxertaron nesti capítulu nueve nuevos cofrades de númberu a un colectivu que, nel últimu añu, participó en 50 eventos gastronómicos.