Xixón escueye la meyor hamburguesa d'España

El certame axunta a 23 hamburgueseríes hasta'l 13 d'ochobre

Xixón acueye per primer vegada’l concursu que busca coronar a les meyores hamburgueses d’España. Nel so primer fin de selmana, l’eventu xeneró llargues coles.

Nesti certame, ye’l públicu’l que decide qué hamburguesa llevará’l títulu de la meyor hamburguesa gourmet del país. Dempués d’escoyer les tos hamburgueses, podrás votar pola to favorita escaniando un códigu QR. Los participantes podrán valorar les meyores del concursu, teniendo en cuenta aspectos como’l pan, la carne, la combinación d’ingredientes, el sabor, la presentación y la orixinalidá.

L’eventu axuntó en Xixón a 23 hamburgueseríes, toes operando dende 'food trucks', de les que seis ufierten opciones veganes y seis ensin gluten. Estes competirán usando fueu, carne y fumu p’algamar los tres premios a la Meyor Hamburguesa d’España. La organización espera cumplir coles sos espectatives.

El certame cunta cola invitación de restauranes locales, dexando al públicu esfrutar de les sos especialidaes y sabores únicos.

La entrada ye de baldre hasta’l 13 d’ochobre. L’horariu d’apertura ye de llunes a xueves, de 18:00 a 00:00; y de vienres a domingu, de 12:00 a 00:00, ensin parar.