Lilián Galán ye la titular d'una ganadería con un centenar d'animales

Asegura que queda muncho por facer pola muyer rural

Titular dende va seis años d’una ganadería familiar de vacunu de carne dempués de la xubilación del home, la canguesa Lilián Galán yá yera socia de la esplotación dende l’añu 2006.

En cuantes a la so rellación col sector primariu va muncho más atrás y remóntase a más de tres décades, xusto cuando casó y foi vivir a Nieda, en Cangues d’Onís.

Madre de tres fíes, compaxinar la so crianza colos llabores ganaderos nun foi fácil.

Por más que Lilián seya la primer y única muyer en salir celadora del puertu cangués de la Montaña de Cuadonga, esta canguesa tien claro que, en materia d’igualdá, entá queda trabayu por facer nel sector primariu.

Ensin abandonar llabores como la recoyida de yerba, esta ganadera canguesa, algama unos ingresos de más trabayando nun hotel nos meses centrales del branu.