Asturies conmemora'l 90 aniversariu de la revolución d'ochobre

Mieres homenaxa a Manuel Grossi, ún de los dirixentes de la Revolución d'Ochobre del 34

L’edificiu del actual colexu públicu Santiago Apóstol de Mieres funcionó dempués de la revolución d’ochobre del 1934 como centru de represión. Ye l’únicu inmueble que se caltién nel cascu urbanu que tien la so configuración como naquella dómina señala Ernesto Burgos, historiador.

La villa foi delles selmanes capital revolucionaria y les sos cais siguen enllenes d’esa historia. Una ruta recuperóla nel 90 aniversariu de la revolución. L’historiador Ernesto Burgos foi l’encargáu de guiar a los asistentes nun percorríu de quince paraes pa recordar llugares y figures clave d’aquel movimientu que sescudió la España de la segunda república destaquen Carmen Prado, vecina d’Uviéu, y Joan María Elda, visitante de Cataluña.

Una historia non siempres recordada que quier siguir cuntándose.

Mieres homenaxa a Manuel Grossi, ún de los dirixentes de la Revolución d’Ochobre del 34

En Mieres volvió a recordase al históricu dirixente del Partido Obrero de Unificación Marxista na Revolución del 34, Manuel Grossi. Fízose con una ufrienda floral énte’l monolitu nel so honor, nel barriu de La Villa.

Mineru de profesión, morrió en 1989 en Francia onde s’exilió dempués de la Guerra Civil.