Ingrid Daubechies, premiada en 2020, la primera en llegar y mañana va tener actos con alumnos

La matemática y física belga nun pudo viaxar a Uviéu pola COVID-19 en 2020

Los premiaos d'anguaño van empezar a llegar la próxima selmana pero l'Hotel de la Reconquista empieza a recibir invitaos: nesti casu la matemática y física belga Ingrid Daubechies, que foi Premiu d'Investigación en 2020. Nun pudo viaxar entós a Uviéu pola COVID-19.

Dos años dempués tuvo'l so recibimientu oficial. Ente les sos principales aportaciones ta la teoría de les ondícules, que revolucionó'l procesamientu de datos y de señales. La compresión de semeyes como'l formatu JPG esiste gracies a la so contribución y tampoco habría televisión n'altu resolvimientu si non fuera poles sos investigaciones.