Nases y redes, neumáticos y botelles. Son dalgunes de les refugayes que gracies a los buzos devolvió'l mar señala Jessica Álvarez, presidenta del Grupo Ensidesa de Actividades Subacuáticas (GEAS).
El bon estáu de la mar facilitó'l trabayu a los voluntarios asegura Miguel Ángel Serantes, buzu de GEAS.
Un llaboratoriu improvisáu nel cai, dexa al visitante comprobar que los residuos que se quiten suelen tar cubiertos d'una pequeña amuesa de la gran biodiversidá que tien el cai de Cuideiru, como estrelles de mar, oricios o cámbaros, anque anguaño'l más llamativu ye'l guxán tubículu esplica Ricardo Fernández Martínez, biólogu.
Una vegada que se saquen los residuos, clasifíquense y esos datos pasen a la base de datos del Ministeriu de Transición Ecolóxica y Retu Demográficu pa que desenvuelva polítiques acordies a toa esa información.
Anguaño, esta actividá forma parte del proyectu "Mares Circulares", iniciativa, impulsada por Coca Cola y coordinada pola Asociación Chelonia, na que yá participaron más de 40.000 persones d'España y Portugal, col oxetivu común de llimpiar costes y fondos marinos, sensibilizar a la ciudadanía y fomentar la economía circular.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL