'Magnum' recueye en 112 semeyes la evolución d'España vista dende fuera n'ocho décades

Una cámara de fotos xigante con una pequeña amuesa de la esposición nel centru d'Uviéu

España vista dende fuera de les sos llendes nos momentos nos que s’asitió nel puntu de mira internacional en más d’ocho décades ye lo qu’amuesen les 112 semeyes seleccionaes por Magnum Photos, Premiu Princesa d’Asturies de la Concordia 2024, que dende güei y hasta’l 26 d’ochobre viniente podrán vese na Fábrica d’Armes d’Uviéu.

"España X Magnum" ye’l nome d’esta esposición inédita que güei foi inaugurada pola presidenta de la mítica axencia de los Estaos Xuníos, Cristina de Middel, que foi la encargada de seleccionar les semeyes que formen esta amuesa, que forma parte de los actos entamaos pola Fundación Princesa d’Asturies por mor de la entrega de los galardones de la presente edición, que tendrá llugar el día 25.

'Magnum' tamién ta presente en plenu centru d’Uviéu. Na plaza de La Escandalera, y con motivu de los Premios Princesa, ta yá instalada una cámara de fotos xigante con una pequeña amuesa de la esposición 'España por Magnum', que pue visitase hasta’l 26 d’ochobre viniente na Fábrica d’Armes de La Vega.