Una esposición inmersiva dexa esperimentar el fundimientu del Titanic

L'amuesa vende 90.000 entraes nes sos dos primeres selmanes

Del asturianu Servando Ovies caltiénse una semeya tomada en París díes enantes d’embarcar nel Titanic. Servando, d’Avilés, cruzare’l charcu pa comprar xéneru pal negociu del que yera sociu en L’Habana. Foi ún de los 10 españoles que viaxaron nel Titanic y una de les 1.500 víctimes mortales del naufraxu.

Toes elles homenáxense nuna esposición en Madrid que revive la esencia del Titanic. Una esperiencia inmersiva gracies a la que podemos sentinos pasaxeros del transatlánticu.

Pa ello xúnese la tecnoloxía col arte y la historia. Al traviés del metaversu podemos caminar peles cubiertes, les sales de máquines o los camarotes. Por supuestu, nun podía faltar la proa del Titanic pa sentise’l rei del mundu. Y l’ayalga de la corona ye una sala inmersiva de 1.200 cuadraos na que podremos vivir cómo ye eso de que s’avere l’iceberg. Amás, equí ún en tamañu real.

La historia del Titanic y la so tráxica lleenda sigue fascinando. Nes sos dos primeres selmanes yá vendió 90.000 entraes. Un paséu diferente pa sacar a flote’l Titanic, polo menos na nuestra memoria.