La ESAD entama'l cursu con nueves perspectives gracies a los cambeos na llei

Un total de 18 alumnos y alumnes graduáronse güei na Escuela Superior d'Arte Dramáticu d'Asturies

La ESAD despidió a 18 alumnos y alumnes nun actu de graduación celebráu esta mañana. Tamién se dio la bienvenida a los 24 que formen la nueva promoción.

Si por daqué tará marcáu’l nuevu cursu ye pola llegada de la Llei d’Enseñances Artístiques Superiores, una norma qu’entró en vigor el 7 de xunu y que marca un llogru significativu na historia d’estos estudios, porque los regula per primer vegada, destaca Pedro Ignacio Ortega, director de la ESAD.

La nueva normativa afectará a centros, estudiantes y profesores que tendrán, ente otres coses, mayores facilidaes pa meyorar el so currículum. Fadránlo con una llei llamada a regular y tamién a algamar que’l sector artísticu seya más atractivu, destaca Lydia Espina, conseyera d’Educación.

L’actu de graduación cuntó cola participación de l’actriz y directora Magüi Serna. La fundadora de l’Academia de les Artes Escéniques y Medaya d’Oru al Méritu nes Belles Artes, dio una charra resumiendo les sos esperiencies y motivando tanto a los estudiantes retornaos como a los noveles a cumplir los sos suaños.