Juan Mayorga, premiu Princesa de les Lletres 2022, protagonista dafechu na fábrica de La Vega

Entá queden entraes pal alcuentru col públicu de la escritora Siri Hustvedt güei nel Xovellanos

El dramaturgu Juan Mayorga, premiu Princesa de les Lletres en 2022, foi'l protagonista d'un coloquiu na nave de Cañones de la fábrica de La Vega, nos actos de la Selmana de los Premios.

Un actu con llenu total nel que'l dramaturgu caltuvo un diálogu col públicu respondiendo a delles entrugues. Mayorga dio les gracies pola complicidá y bona escucha.

Enantes del coloquiu, Mayorga foi'l protagonista del so propiu monólogu. Juan Mayorga recitó'l testu de 'La Gran Cacería' acompañáu por Luz Arcas, premiu nacional de danza 2024.

Entá queden entraes pal alcuentru col públicu de la escritora Siri Hustvedt güei nel Xovellanos

La escritora Siri Hustvedt va tar esta tarde en Xixón. Nel Teatru Xovellanos, premiu Princesa de les Lletres de 2019 va protagonizar un actu nel que va repasar la so trayectoria profesional y la so visión de la lliteratura.

Y atención porque, pa esti alcuentru, entá queden entraes.

La escritora norteamericana ye una de les 10 galardonaes d'ediciones anteriores que tornó a Asturies por mor del décimu aniversariu de Leonor de Borbón como presidenta de la Fundación Princesa d'Asturies.