Mathew Kerry asoleya un llibru sobro la revolución d'ochobre de 1934 n'Asturies

L'historiador d'Oxford robla 'Un pueblo revolucionado'

L'historiador de la Universidá de Oxford, Mathew Kerry, espublizó un llibru sobro la revolución d'ochobre de 1934 n'Asturies, y destaca la cohesión qu'esi movimientu tuvo n'Asturies comparáu con otres partes d'España.

Kerry señala que la revolución malapenes duró una quincena, pero que foi un procesu bien complexu y contradictoriu, con un intentu de revolución pero tamién una insurrección armada. La singularidá n'Asturies yera la meyor organización, más disponibilidá d'armes y l'accesu de los mineros a la dinamita.

Suel considerase lo socedío fai 90 años como daqué único. Lo cierto ye que, per un llau, Largo Caballero, líder del PSOE pensaba nel Gobiernu de Madrid y, quiciabes non, nuna revolución, daqué que sí buscaben los socialistes n'Asturies.

L'estudiu de Kerry recuéyese nun llibru tituláu 'Un pueblo revolucionado', editáu por Comares.