Esti vienres, Annie B. Sweet, Valeria Castro, Iván Ferreiro y Miren Iza van homenaxar a Serrat nun conciertu na Fábrica d'Armes de La Vega. En 'TPA Noticies' falemos con Miren Iza díes dempués de que se-y diera'l Premiu Nacional de les Músiques Actuales 2024, reconocencia que precisamente'l cantautor catalán recibió en 2009.
Iza espera qu'esti premiu que-y acaba de conceder el Ministeriu de Cultura sirva de revulsivu pa que 'Amadora', el montaxe teatral que nació de la mano del últimu discu de Tulsa, puea siguir viaxando per España.
N'Uviéu, Iza va ser una de les ‘Fíes del Mediterraneu' que van interpretar parte del repertoriu de Joan Manuel Serrat, Premiu Princesa de les Artes d'anguaño.
La cita, esti vienres a partir de les 21:30 na nave almacén de la Fábrica d'Armes.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL