TPA va emitir una programación especial sobro la relación ente Avilés y el cine que va incluyir l'estrenu en televisión de 'Avilés 2024', cinta montada con grabaciones apurríes pola ciudadanía local, y 'Avilés, 1924', la película más antigua de cuantes se caltienen rodaes na ciudá.
'Los Caballeros de Santiago', de l'avilesina Ana L. Martín, y el documental 'Avilés, una ciudad de cine', de Fran Vaquero, van completar esta programación especial, informó esti xueves el conceyu.
La conceyala de Cultura, Yolanda Alonso; la directora d'Antena de la RTPA, Lucía Herrera; y el director del Avilés Acción Film Festival, Javier Mediavilla, presentaron esta programación que se va emitir el próximu sábadu, 19 d'ochobre, a partir de les 22:30.
RTPA empezó'l 14 de setiembre les emisiones de 'En clave asturiana', un ciclu que tien como propósitu visibilizar y homenaxar al cine asturianu, resaltando la so importancia y relevancia dientro del panorama cinematográficu actual, y el so valir como elementu cultural qu'avera dende lo local a lo universal.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL