'Sotres, l'enfotu d'un pueblu exemplar', en 'Asturies selmanal'

Los vecinos demanden infraestructures p'atender a tolos visitantes

Sotres recibirá nuna selmana’l Premiu Pueblu Exemplar de manes de la familia real: una distinción que buscaron y qu’agradecen, pero que tamién los inquieta: si yá yeren mui conocíos enantes, agora podríen vese esbordaos.

La ruta más popular pa caminar hasta la base d’El Picu Urriellu sal de les afueres de Sotres, lo que convierte al pueblu na base loxística de decenes de miles de montañeros y montañeres cada añu. Los vecinos demanden muchos más aparcaderos de suelu firme y baños públicos.

Los sotrianos denuncien tamién faltes en telecomunicaciones. La cobertura de móvil ye deficiente, y les alternatives nun lleguen.

El debate sobre la masificación ye namás ún de los temes qu’abordará esta nueche 'Asturies Selmanal' nel so reportaxe 'Sotres, l’enfotu d’un pueblu exemplar'.