La presidenta de l'Axencia Magnum Photos, Cristina de Middel, Premiu Princesa d'Asturies de la Concordia, alerta de los niveles de propaganda y manipulación nes redes sociales.
Nuna entrevista en TPA Noticies, Cristina de Middel, aseguró que la sociedá nun ta preparada pa estremar les imáxenes reales d'aquelles creaes por Intelixencia Artificial y afirma que la manipulación d'estes imáxenes ta polarizando la sociedá.
Nunos momentos convulsos pa la imaxe nos que ye cada vez ye más difícil reconocer lo auténtico, lo verdadero, el Premiu Princesa d'Asturies de la Concordia supón un enfotu a una axencia Magnum Photos que se caltuvo fiel a lo llargo del tiempu al so rigor, y a trabayar con aselu y en fondura.
Cristina de Middel tamién reconoz que n'ocasiones el términu verdá ta sobrovaloráu.
A pesar de que l'axencia guarda nos sos fondos imáxenes emblemátiques de la hestoria contemporanea, reconoz que namás fotografiaron una pequeña parte del mundu.
Por eso Magnum Photos va aumentar la so presencia nel nuesu país yá qu’asegura hai munches hestories que cuntar.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL