Bea Lema, Premiu Nacional de Cómic 2024 por 'El cuerpo de Cristo'

La orixinalidá del llibru, l'usu del bordáu pa cuntar una historia de salú mental

En TPA Noticies Matinal charramos con Bea Lema, ye la ganadora del Premiu Nacional de Cómic 2024 por 'El cuerpo de Cristo', una historia sobre so madre y la salú mental. La orixinalidá del llibru ta tamién nel usu del bordáu pa cuntala.

Ye una historia sobre la llocura, la historia, con matices, de so madre, una historia d’amor, madre y fía. Tamién una suerte de terapia, pa l’autora y los llectores.

Obra premiu nacional del cómic, el xuráu destaca los recursos estéticos alternativos, sobre manera, el bordáu.

L’autora señala la importancia del arte como ferramienta pa lliberanos y tamién como memoria, y nesti sentíu destaca la obra de Marjane Satrapi, Premiu Princesa d’Asturies de Comunicación y Humanidades.