Estrenu na Seminci de 'La marsellesa de los borrachos', grabada en parte n'Asturies

El Coru mineru de Turón participa nel llargumetraxe del madrilanu Pablo Gil

Güei estrénase na Semana Internacional de Cine de Valladolid (Seminci) 'La marsellesa de los borrachos', el primer llargumetraxe del madrilanu Pablo Gil que sigue’l rastru del viaxe a España en 1961 del colectivu italianu 'Cantacronache' pa grabar y internacionalizar canciones populares de resistencia.

Una parte del documental, que tien guión de l’asturiana Alba Lombardía y el director de la cinta, grabóse n’Asturies, nel Valle de Turón, p’abordar les lluches obreres d’aquellos años.

El Coru mineru de Turón participa nesti trabayu que s’estrena na sección 'Tiempo de historia' de la Seminci.