Sotres engalánase pa la familia real

Los vecinos preparen los detalles pa la entrega mañana del galardón al Pueblu Exemplar

Los vecinos de Sotres lleven díes afatando'l pueblu pa recibir una visita única. Amás, dende va díes yá ven un ambiente especial con más xente aseguren José Rodríguez, Ingrid Salas y Nel López, vecinos de Sotres.

La seguridá y el caltenimientu preparen los arreglos pa dexar les carreteres y caminos llistos. Esti fin de selmana va poder dise n’autobús señala José Sánchez, alcalde de Cabrales.

Tamién tienen munches ganes los negocios locales. La Familia Real va visitar dellos. Dalgunos tienen preparada una sorpresa, como esta semeya d'Alfonso XIII, bisagüelu del rei. Toos ellos cunten con nuevos y numberosos veceros destaquen Ana María Moradiellos, de Casa La Gallega; Laura Álvarez, del Hotel Casa Cipriano; y Jéssica López, de la Quesería Maín.

Los medios de comunicación preparen un espliegue técnicu que poques vegaes va repitir en Sotres. Tamién ta llista la placa que va recordar pa siempres una visita bien especial.