La princesa destaca l'exemplu de los pueblos de monte pa curiar tradiciones y anovar

El rei da'l relevu a la so fía Leonor, tamién nel Pueblu Exemplar

Nel so discursu, el rei, como yá fixo ayeri colos Premios Princesa, quixo dar el relevu a la so fía Leonor. Ella foi anguaño la encargada de glosar los méritos d'esti Pueblu Exemplar.

Nesti casu, la princesa allabó la guapura del so paisaxe y el llabor de los sos vecinos por curiar les tradiciones y por anovar. Y recordó que va unos díes vio nun reportaxe de 'Asturies Selmanal' qu'en Sotres solo vivíen cinco neños y pa ellos tamién tuvo unes palabres.

La princesa Leonor destacó esti sábadu'l “desafíu constante" que supón vivir nun pueblu d'altu monte como Sotres y dixo que los sos vecinos, los que llegaron va décades y los mozos instalaos apocayá, son un exemplu "pola so capacidá pa curiar les tradiciones y p'anovar", daqué que nun ye fácil.

Asina lo señaló la princesa d'Asturies nel discursu pronunciáu na visita que fizo, colos reis y la so hermana la infanta Sofía, a Sotres, Premiu al Pueblu Exemplar 2024, un pueblu del conceyu de Cabrales asitiáu a 1.050 metros d'altitú y con 108 habitantes.