El cambéu climáticu ta afectando a la producción de setes

Ocho establecimientos nel concursu de tapes de les Xornaes Micolóxiques de Castrillón

El cambéu climáticu ta afectando a la producción de setes. La Trompeta de los Muertos ta prácticamente desaniciada en Lleón, y son munchos los que xuben a buscales a Asturies, onde apaecieron especies nueves, típicamente mediterránees, mientres otres anguaño nun se dieron.

Les setes, riques en vitamines, minerales, fibra y baxes en grases, tamién tienen la capacidá d'absorber los materiales pesaos, polo que s'encamienta'l so consumu con moderación.

Gracies al concursu de tapes de l'asociación El Yesqueru, les setes fueron esti fin de selmana protagonistes n'ocho restauranes de Castrillón.

Una croqueta de boletus del restaurán El Cortijo ye la ganadora pal xuráu profesional. El restaurán vendió nel concursu 22 quilos de setes, en forma de 500 croquetes.

Les Xornaes Micolóxiques complétense con una esposición de 150 variedaes de setes de Lleón, Valladolid y Asturies.