Los vecinos de Sotres sorprendíos pola cercanía de los reis y el so interés pola vida del pueblu

El Premiu al Pueblu Exemplar 2024 supón un enantes y un dempués pa la zona

Los vecinos de Sotres siguen sorprendíos pola cercanía qu'amosaron los reis ayeri y afirmen que'l Premiu al Pueblu Exemplar 2024 supón un enantes y un dempués pa la zona.

Toos siguen clisaos por tolo vivío ayeri, y anque güei too volvió a la normalidá y la vida nesti pueblu de monte sigue siendo complicada, toos amuesen les semeyes que fixeron cola familia real con una sorrisa. La mesma sorrisa que-yos sal al falar de los regalos que-yos fixeron a la familia real.

Amás, hebo quien aprovechó la visita de la Casa Real pa reivindicar les necesidaes de la zona, como la situación na que ta'l consultoriu médicu d'Arenas, que solo atiende a los pacientes tres díes a la selmana o la mala conexón a Internet.

Asina Raquel López, faló directamente cola reina Leticia y la princesa Leonor de les faltes sanitaries qu'hai na zona.

Y ye que la cita d'ayeri en Sotres dio pa muncho, y foi un día nel que nun faltó naide.

Tou Sotres nun va escaecer el día d'ayeri. Un día de Pueblu Exemplar nel que too salió perfecto.