Día de Difuntos colos cementerios enllenos de xente

Los veceros ven un aumentu del preciu de los ramos y los centros

Día de Difuntos colos campusantos enllenos de xente. Anque ye cada vez más frecuente adelantar la visita los díes previos pa llimpiar y poner flores, güei dir al campusantu ye una cita obligada.

Los floristes dicen que se caltién la xuba que se dio tres la pandemia. Dende primeres hores de la mañana, el cementeriu de San Salvador d'Uviéu foi enllenándose de visitantes, llevando flores pa los difuntos, alcordances y muncha emoción.

Munchos adelantaron a los díes previos la visita al cementeriu. Claveles, roses y llirios en forma de centros, son les flores más demandaes. Daqué más cares qu'otros años, dicen los veceros.

Como n'Uviéu, en Xixón ampliáronse los servicios d'autobús hacia los campusantos.

En cementerios tan pintorescos como L.luarca, el día de Difuntos ye una ocasión d'almirar les vistes y l'arquitectura del llugar.

Y n’Avilés, muncha xente nel Cementeriu de La Carriona, onde ta activu un plan especial de tráficu pa evitar atascos.