Keith Scholey asegura que'l gran desafíu del cine documental de naturaleza ye captar al públicu mozu

El segundu capítulu de la serie 'La vida en nuestro planeta' proyectaráse esta tarde nel festival 'Wild Oceans'

La mar foi 'La primera frontera'. El segundu capítulu de la serie 'La vida en nuestro planeta' producida por Steven Spielberg, a la que pon voz Morgan Freeman, que narra una historia de supervivencia.

El so director, Keith Scholey asegura que la divulgación necesita cuntar histories fresques con emoción pa llegar al públicu, y más si ye mozu.

Scholey cunta que los científicos saben cómo camudar la deriva d’esti cambéu climáticu aceleráu. Y que los cineastes tienen el papel de convencer p’algamalo. Nello ta. Rueda una película sobre los océanos.

A les 18:30 d’esta tarde, el director Keith Scholey, en persona, somorguiarálos nun viaxe per un mundu poco acoyedor. Ye una de les diez cintes seleccionaes na programación del festival de cine documental 'Wild Oceans' del Bioparc Acuariu de Xixón.