El Muséu del Pueblu d'Asturies acueye una selección de 28 cartelos de cine anteriores a 1958

Los cartelos vienen de dellos cines asturianos yá desapaecíos

El Muséu del Pueblu d’Asturies acueye hasta abril de 2025 una selección de 28 cartelos de cine anteriores a 1958. Les ayalgues son úniques n’Asturies. Anguaño, el muséu cunta con una colección de 6.500 cartelos, de los que 315 son de cine, algamaos al traviés de la compra de 106 pieces y 31 por donación.

Los cartelos vienen de dellos cines asturianos yá desapaecíos, como’l de Soutu, L’Arena, L’Infiestu, Colunga y Sama de Llangréu, amás de dalgunos vinientes de Ciudá de Méxicu.

Ente ellos destaca’l cartelu de la película 'La Novia de Escocia' (1932), diseñáu pol artista uvieín Goico Aguirre, editáu pola distribuidora de la capital y impresu na llitografía de Xixón.

La colección tamién inxerta 10 cartelos fechos nos años 40 y 50 por Germán Horacio, el más destacáu cartelista asturianu del sieglu XX, nel so exiliu en Méxicu. D’estos, seis recuperáronse recientemente pa donar al muséu, pola vilba del artista.

El restu de los cartelos que s’amuesen son de renomaes películes españoles y estranxeres de 1960 a 1987, y fueron fechos polos cartelistes más representativos d’esi tiempu n’España como Jano o Mac.