Esposición de les obres ganadores del Certame Nacional d'Arte de L.luarca

Javier Soto y Noé Baranda, vencedores del concursu con 'Wound' y 'La Lucha', respectivamente

Ye ún de los concursos d'arte más vieyos d'Asturies. Una cita qu'esti añu cuntó cola participación de cuasi 170 obres. Tamién se dieron los premios a los dos ganadores.

Ye una de les cites artístiques más conocíes d'Asturies. El Certame Nacional d'Arte de L.luarca cumple 55 años axuntando a un bon númberu d'artistes del territoriu nacional. Javier Soto, criáu en Navia, foi'l ganador del premiu Ayuntamientu de Valdés cola obra 'Wound', una obra fecha sobre tela con spray y sangre animal.

El premiu Caxa Rural foi pal xixonés Noé Baranda, cola obra 'La Lucha', una semeya impresa que recibió los afalagos del xuráu por captar el paisaxe y el territoriu dende un puntu de realismu mui puru.

Los artistes premiaos llevaránse 5.000 y 3.000 euros de premiu respectivamente. Presentáronse 168 obres, de les que 21 fueron seleccionaes pa la decisión final. Obres que yá se puen ver nesta esposición que estará abierta hasta finales de mes.