'In half' y 'Voice Academy', ganadores del Cinesan de Samartín del Rei Aurelio

El festival de curtios premia les cintes de Jorge Morais y Javier San Miguel

El curtiu d'animación 'In half', del director gallegu Jorge Morais, ye'l ganador del octavu Certame Cinesan, el festival de curtios de Samartín del Rei Aurelio, na sección oficial.

La cinta narra'l viaxe d'un home que, tres cayer presu de les sos medranes, tien de cruciar un mundu raru y enllenu de maxa. Y el premiu al Meyor Curtiu Asturianu recayó anguaño en 'Voice Academy'.

Una película de Javier San Miguel que rellata cómo una mañana, como por arte de barrabiellu, un militar espierta con una voz ridículamente aguda. A partir d'ehí entama una baxada a los infiernos con un sorprendente final.