Perla Batalla, corista de Leonard Cohen, más d'una década, ufierta un conciertu

La californiana va protagonizar los Encohentros con una charra y va interpretar cantares de Cohen

Perla Batalla recibió la inspiración con Leonard Cohen al so llau. Foi la so corista pero, lo que más destaca ella, ye que foi la so amiga y qu’él apostó por ella. Y ye que la primer versión que fixo del so maestru pidió-yla él. Ye fía d’un músicu mariachi y nel orixe poéticu de la música mexicana ta una de les sos conexones con Leonard Cohen, a quien el castellán prestaba-y muncho.

Pa Batalla, la versatilidá de les composiciones de Cohen ye la razón pola que conecta con tanta xente y lo que lu fadrá perdurable.

Los cantares de Cohen que va ufiertar nel Paraninfu del Edificiu Hestóricu de la Universidá d'Uviéu son una escoyeta, les sos favorites, d'ente tolos que yá fixo propios.