Isolina López Blanco, 'Lita', escoyida Güela Llabradora 2024 pola Asociación de Muyeres Llabradores d'Asturies

Una reconocencia que supón un homenaxe a les güeles del campu, pol so llabor y trabayu pal caltenimientu de les tradiciones

A los sos 94 años, güei Lita, como toos la conocen, conviértese nel oxetivu de tolos flashes, cuasi como si fuera una estrella de cine. Arrodiada de les sos dos fíes, Manolita y Maite, de los sos tres nietos y seis bisnietos, llucía arguyosa, tres una vida d'esfuerzu y dedicación al campu; una esistencia, diz, mui feliz asegura Isolina López Blanco, 'Lita', Güela Llabradora 2024.

Lita foi pionera na recuperación del cultivu de la fresa en Candamu. Y entá güei la so cara ye una de les avezaes en cada festival, nos que recibió numberosos premios pola calidá de los sos frutos, ente ellos, la ‘Fresa d'Honor' en 2017, por toa una vida dedicada a emponderar el trabayu del campu.

Güei sigue llimpiando los caminos, curiando del ganáu y de les freses.

Afirma que l'añu que vien volverá tar nel festival de Grullos, lluchando porque les sos freses resulten les meyores del certame.