Villartoréi vuélcase nos sos raigaños, la hestoria de los sos oficios y costumes

Ciento de visitantes esfrutaron d'un mercáu con más de 40 puestos d'alimentación y artesanía

Cuatro años lleven en Villartoréi celebrando'l so polavilla. Una tradición con más de dos décades que tres rotar per dellos llugares de Villayón asitióse equí, con gran ésitu, gracies a la implicación de los sos poco más de trenta vecinos señalen Santiago López y José Antonio Álvarez, vecinos de Villartoréi.

Ellos encárguense de llimpiar, habilitar y decorar cada requexu pa faer un chisgu señardosu a los antiguos oficios y costumes destaquen Ana Suárez, de l'Asociación de muyeres ‘Virgen de los Dolores'; y Lorena Fernández, vecina de Villartoréi.

Iniciativa mui esperada na contorna con cientos de visitantes qu'esfrutaron, amás, d'un mercáu con más de 40 puestos d'alimentación y artesanía a lo llargo del pueblu, aseguren Manuel de la Rosal, vecín de Corniana y Carlos Lozal, vecín de Salas.

Un homenaxe a un pasáu rural qu'iniciatives como estes, intenten caltener. Polo menos, na memoria.