Cifra récor de cineastes asturianos nel Festival de Cine de Xixón

Ramón Lluís Bande y Pablo Casanueva compiten na sección oficial del FICX

Nunca enantes la foto de familia del Festival Internacional de Cine de Xixón (FICX) había tantos cineastes asturianos y nun tán toos. Roblen les 36 películes, 18 llargumetraxes y 18 curtios, que se proyectarán nel festival. Hai tantes producciones qu’una ventena quedó fuera.

Na sección oficial compiten dos d’estos realizadores. Ramón Lluís Bande, con 'Retaguardia' y el mozu ribeseyanu Pablo Casanueva. Lleva una década pasando’l corte con distintos trabayos pero esta vegada da’l saltu a la competición internacional cola historia de la so familia, represaliada pol franquismu.

Tamién entren en competición internacional, na de curtios, otros dos asturianos. La uvieína Alicia Moncholí y el mierense Diego Flórez. Él con una cinta sobre pantasmes.

La pieza más vista de tol festival, 'La cabecera', que precederá a caún de los 300 pases, ye tamién de l’asturiana Celia Viada Caso.