Dos obres del Muséu de Belles Artes d'Asturies espónense na Galería de les Colecciones Reales

El Prado aprueba'l nomamientu d'Alfonso Palacio como director axuntu de Caltenimientu

Una pareya de llenzos, procedentes del Muséu de Belles Artes d'Asturies, ocupen agora un llugar privilexáu na Galería de les Colecciones Reales. Son los retratos de les infantes María Teresa y María Antonia, pintaos hacia 1737 por Louis-Michel van Loo señala Ana de la Cueva, presidenta de Patrimoniu Nacional.

A la entrada de la planta de los Borbones, les infantes comparten espaciu con sos padres, Felipe V y Isabel Farnesio, y van contribuyir, dicen, a esplicar el cambéu estéticu que supunxo la dinastía de los Borbones destaca Gabino Busto Hevia, conservador d'arte antiguu del Muséu de Belles Artes d'Asturies.

Una collaboración que supón amás un gran sofitu pal muséu. Ye la segunda obra convidada de la galería y va tar equí hasta'l 31 de marzu de 2025.

El Prado aprueba'l nomamientu d'Alfonso Palacio como director axuntu de Caltenimientu

El Real Patronatu del Muséu del Prado aprobó esta mañana'l nomamientu d'Alfonso Palacio, actual director del Muséu de Belles Artes d'Asturies como nuevu Director Axuntu de Caltenimientu y Investigación. Palacio va sustituyir a Andrés Úbeda que decidió dexar el puestu pa presentase al cargu de Director de l'Academia de Roma.

El Prado destaca d'Alfonso Palacio'l so "perbón llabor" al frente del Belles Artes d'Asturies.