Empieza la 62 edición del FICX

El festival cunta cola meyor collecha del cine asturianu del últimu añu

Cine d'autor de 9:00 a 00:00. Ye la propuesta que dende va seis décades fai'l Festival internacional. Anguaño, pasaron la peñerada cuasi 170 títulos del meyor cine independiente européu y d'otres llatitúes.

Una oportunidá única pa ver películes que nun tien aseguráu l'espardimientu comercial y tamién cintes nominaes o premiaes nos principales festivales como Venecia, Locarno, Cannes o San Sebastián destaca Tito Rodríguez, programador del FICX.

Atención porque yá hai sesiones con entraes escosaes como l'únicu pase de la italiana Vermiglio, multipremiada en Venecia, Misericordia, ganadora de la Seminci de Valladolid o la ópera prima d'Antón Álvarez, por toos conocíu como C. Tangana, que va tar en Xixón el domingu.

Y tamién nel festival, la meyor collecha del cine asturianu del últimu añu. Una quinta parte de les producciones son d'asturianos o rodaes equí.