'Los destellos' de Pilar Palomero lleguen al Festival de Cine de Xixón

Diego Flórez aterriza nel FICX con un curtiu qu'intercala histories pantasmales y de caldía

Pilar Palomero ta nel FICX pa presentar la so película 'Los Destellos'. La so protagonista, Patricia López Arnaiz, acaba de ganar una Concha de Plata nel Festival de Cine de San Sebastián pola so interpretación.

La cineasta asegura que ta contenta cola rempuesta que ta teniendo’l trabayu.

Diego Flórez aterriza nel FICX con un curtiu qu’intercala histories pantasmales y de caldía

Na sección oficial de curtiumetraxes alcontramos l’últimu trabayu del realizador asturianu Diego Flórez. Titúlase 'La Lluz' y estrénase esta nueche dientro del festival.

Una historia de pantasmes que se desendolca en tres espacios: una viesca, una cantera y un pozu mineru. Flórez llega al FICX dempués de ganar l’añu pasáu’l Premiu Nuevos Realizadores del Principáu d’Asturies.

C.Tangana cancela la so visita al FICX, onde diba presentar la so primer película, por motivos de salú

C. Tangana nun podrá tar esta tarde en Xixón. El raperu y compositor madrilanu diba tener un alcuentru col públicu dientro del Festival Internacional de Cine pa presentar la so primer película como director, 'La guitarra flamenca de Yerai Cortés'.

Un trabayu que retrata la vida familiar y emocional d’esti guitarrista flamencu. A les 17:00 proyectaráse nuna de les sales de cine de Los Fresnos.

Fadráse ensin la presencia del músicu, que nun pudo viaxar a Asturies por motivos de salú.