Los programadores del FICX somórguiense ente festivales y catálogos pa traer películes a Xixón

Xixón ye la referencia esta selmana del cine d'autor y independiente

El festival ye pa ellos el colofón a un añu de trabayu, el momentu nel que s’alcuentren cara a cara colos autores de les películes que seleccionaron. Estos díes la so axenda ta enllana de ruedes de prensa, coloquios y presentaciones apunta Tito Rodríguez, programador del FICX.

El comité de selección vio nel últimu añu 2.400 cintes calculen, unes doscientes por persona. Siempres van a Cannes y a Berlín, los grandes, pero nun viaxen tanto como puea paecer. Dende equí escanien la programación d’una quincena de festivales.

Apuesten por dalgunos títulos qu’enllenen sales pero pa Fran Gayo, programador xefe del festival, lo fundamental ye investigar y descubrir otru tipu de trabayos señala Fran Gayo, programador xefe del FICX.

El certame termina’l sábadu y el domingu pa ellos la rueda vuelve a ponese en marcha.