El xuráu mozu del FICX esfruta dafechu de la esperiencia

Once mozos y moces formen el xuráu mozu del festival xixonés

Intercambien opiniones y deliberen pa decidir cuála sedrá la meyor película y cuál el meyor curtiu, dos premios dientro del FICX que da’l xuráu mozu. La decisión ye difícil y repasen les sos notes enantes d’una nueva proyección apunten Daniel Braga, Alba Pérez y Andreu Belaño, integrantes del Xuráu Mozu del FICX.

Na so axenda viven el festival mañana, tarde y nueche p’adaptase al calendariu y facer los visionaos. Un trabayu que supón el compromisu qu’implica empapase del séptimu arte y conocer a otros compañeros.

Tienen ente 17 y 25 años y aseguren que la esperiencia, les trames, los conflictos o los personaxes de les obren que ven fortalez la so capacidá de pensar de manera crítica y la so formación.

Consideren que’l cine independiente y el FICX tienen un magnetismu especial pa la mocedá.