El FICX bate récor en venta d'entraes

Mesa redonda y proyección pa concienciar sobre los desagospios y el valor del documental

La presente edición del FICX foi la de mayor venta d’entraes de la so historia, con un total de 141 pases completos, más de 700 abonos de 10 pases y 26 acreitaciones.

Amás, a metá del festival, los bonos mozos de 10 y cinco pases yá superaben la totalidá de la pasada edición, según una nota de prensa del Festival Internacional de Cine de Xixón.

El director del certame, Alejandro Díaz Castaño, destacó la increíble xunión ente cineastes y públicu.

Mesa redonda nel FICX y proyección pa concienciar sobre los desagospios y el valor del documental

Dientro de les actividaes complementaries del FICX esta tarde celebróse una mesa redonda sobre cómo documentar la realidá.

Nella analizóse’l valor de los documentales pa dar voz a los movimientos sociales en tiempos de sobreinformación y onde abonda lo efímero.

Amás proyectóse’l documental de la periodista Georgina Cisquella '¿Dónde Vamos a Vivir? Mujeres contra el desahucio' que rodó en tres años acompañando a los y les que sufren el problema de la vivienda.