Enfants Terribles abre la mirada al cine de los más mozos

La sección del FICX dedicada a neños y mozos ufierta 16 proyecciones

Dalguna de les proyecciones d'Enfants Terribles compiten tamién na sección oficial. Una d'elles ye 'L'histoire de Souleyman' (Boris Lojkine). Un drama que retrata cuarenta y ocho hores na angustiosa vida del protagonista, interpretáu pol actor non profesional Abou Sangare y inspiráu nes sos propies esperiencies.

La migración, les mafies y les condiciones llaborales conviértense en tema d'alderique nesta clase de francés de primeru de Bachilleratu.

Amás de trabayu en valores, el FICX ufierta un mediu didácticu d'aprender l'idioma estranxeru escoyíu. Y fomenta la versión orixinal que yá nun ye ayena a los mozos, gracies a les plataformes, apunten delles alumnes y Alba Prieto, profesora de francés del IES Montevil.

Pa cada filme, el FICX apurre una guía didáctica, unes pautes de visionáu y exemplos d'actividaes, adaptaos a la edá del alumnáu.