La primer edición de TPA Noticies va emitise esti llunes dende la Casa Malva de Xixón

El centru d'acoyida de muyeres víctimes de violencia de xéneru cumple dos décades

Esti llunes, 25 de payares, ye'l Día internacional pa la eliminación de la violencia escontra la muyer y TPA Noticies primer edición va emitise en directo dende la Casa Malva.

El centru d'acoyida de muyeres víctimes de violencia de xéneru, qu'abrió les sos puertes en 2007 sol paragües de la Llei escontra la Violencia de Xéneru, cumple anguaño dos décades.

Ye'l buque insinia de la rede de cases d'acoyida que'l Principáu d'Asturies tien al serviciu d'estes muyeres. Dende ellí vamos cuntar col testimoniu del personal que trabaya dende 2007 con estes muyeres, asesórales y ayúdales a refaer les sos vides; y vamos dir al restu de puntos d'Asturies onde dellos actos conmemoren una fecha tan señalada que busca faer visible esti mal social.