Marián Moreno, premiu 'Menina 2024' pol so compromisu cola igualdá

El reconocimientu pon en valir una trayectoria de trabayu de más de tres décades

Profesora, escritora y esperta en coeducación. Ye’l perfil profesional de Marián Moreno, qu’acaba de recibir el galardón 'Menina 2024'. Un reconocimientu que pon en valir el so compromisu cola igualdá y una trayectoria trabayu de más de tres décades.

A pesar de los avances de los últimos años, la galardonada asegura qu’entá queda trabayu por facer. Defende la educación n’igualdá como pegoyu necesariu p’algamar una sociedá más xusta, na que la violencia de xéneru nun tenga sitiu.

Otru de los desafíos ye algamar que les víctimes pierdan el mieu a denunciar les agresiones que sufren y que, munches vegaes, normalicen.

La esperta ve con bonos güeyos l’apaición de les canales de denuncies anónimes en redes sociales, pero anima a les víctimes a pidir ayuda.

Marián Moreno recuerda que’l centru de crisis pa víctimes d’agresiones sexuales del Principáu d’Asturies ufierta atención de siguío, les 24 hores del día.