Mafalda, nos Emmy de televisión

Los nominaos recibieron una mini réplica de la escultura de Quino

'Punt de no retorn' y la telenovela 'La Promesa' son les producciones españoles qu’algamen un premiu EMMY internacional. 'Mafalda' foi protagonista tamién de la gala. A los nominaos regaláron-yos una réplica de la escultura del personaxe de Quino instalada n’El Campo d’Uviéu.

Nun llevó nin una nominación pero foi una de les protagonistes. 'Mafalda' tuvo un encargu especial a los sos 60 años. La neña de Quino copresentó col actor y director Felipe Colombo les categoríes infantiles d’una gala que reconoz el talentu televisivu fuera de los Estaos Xuníos nos Estaos Xuníos.

La serie documental 'Punt de no retorn', de TV3, qu’aborda’l mediu ambiente, los conflictos, la democracia o la intelixencia artificial con un puntu d’entretenimientu; y la telenovela 'La Promesa', de Bambú Producciones, fueron les úniques producciones españoles que llevaron un Emmy.

De les 14 nominaciones llatines -una per categoría- namás recoyeron dos la estatua. L’arxentina 'División Palermo', y la mexicana 'La vida Secreta de tu mente".

L’actor británicu Timothy Spall de 'The Sixth Commandment' y la tailadensa de nome cuasi impronunciable, protagonista de 'Hunger' fueron los meyores de la nueche.

Per países, el Reinu Xuníu reinó con cuatro galardones.

Esta alfombra colorada de la televisión reconoció amás les carreres del guionista y productor d’Ally McBeal, y la máxima executiva de la productora Gaumont.

Ente tanta estrella, el primer presentador d’orixe indiu nesta gala, el comediante Vir Das, y mediu centenar de 'MiniMafaldas' que cruzaron el charcu dende Asturies.