'Sienti', el primer directoriu de la industria musical asturiana

Ye un catálogu qu'axunta a los profesionales del sector

Coles mires d’impulsar la escena musical asturiana naz el proyectu 'Sienti'. Una publicación, con edición física y dixital, que va axuntar nun directoriu a los distintos profesionales de la industria. Una industria na que, según los promotores d'esti proyectu, falta cohesión asegura Xicu Ariza, responsable de musicasturiana.com.

La guía quier, precisamente, conectar a tolos axentes del sector, tender pontes y xenerar oportunidaes de negociu.

La publicación tamién aspira a poner en valir el potencial de la escena musical asturiana y favorecer la retención del talentu.

La idea ye que la guía s’asoleye nel primer semestre del próximu añu. Los interesaos en formar parte del directoriu puen inscribise hasta'l 11 d'avientu na web musicasturiana.com.