Once asociaciones repasen el llabor de los sos voluntarios nuna esposición nel Día Mundial del Voluntariáu

La esposición compleméntase con un podcast y un alcuentru pa compartir esperiencies

El centru social de Teatinos n'Uviéu acueye una esposición que repasa'l trabayu del voluntariáu n'entidaes y asociaciones sociales pa celebrar el día mundial d'esti colectivu.

L'amuesa compónse de 28 fotografíes d'once asociaciones que trabayen n'ámbitos como la salú, la integración social o la inmigración.

Un material apurríu polos mesmos colectivos nos que se pue ver l'activu llabor de los sos voluntarios.

La esposición compleméntase con un podcast grabáu con cuatro d'estes asociaciones y un alcuentru pa compartir esperiencies y pa celebrar esti día nel que, amás de faer visible'l so trabayu, quieren animar a la xente a participar como voluntarios.