La ruta de los belenes de Villaviciosa triplica los sos visitantes nuna década

El belenismu local aspira a convertise en Patrimoniu Inmaterial de la Humanidá

Cola bendición del párrocu de Villaviciosa, queda inaugurada la novena ruta de los belenes. El primeru ye'l Belén de la Oliva, de la colección de Nicolás Rodríguez Martín.

Son cinco belenes repartíos per llugares enllenos d'hestoria na Villa. La Casa de los Hevia, el Monesteriu de les Clarises, la Ilesia de Santa María y el muséu de la Selmana Santa acueyen el restu. Con pocos medios, tán al altor de los meyores, unu d'ellos en movimientu.

Lo qu'empezó como una tradición entrañable va creciendo cada añu, y el belenismu yá algama cotes internacionales.

En nueve años, la cifra de visitantes triplicóse. La última edición rexistró 15.000 persones, la mayoría de fuera del conceyu. Nun mes, la ruta va tar abierta de llunes a domingu, sacantes les tardes de Nuechebona y Nuechevieya.