La Catedral d'Uviéu quedó prácticamente en ruines dempués de la Guerra Civil y foi restaurada

Anguaño, la catedral va cerrar con récord de visitantes, más de 150.000

Fai xusto 100 años tamién la Catedral d'Uviéu quedaba afarada tres la revolución del 34 y posterior Guerra Civil. Resurdió de les sos cenices y güei, un sieglu dempués, álzase de nuevo imponente como centru neurálxicu de Vetusta. Preparada pa despidir 2024 batiendo récord, con más de 150.000 visitantes.

Porque se cumplen 10 años desque decidieren empezar a cobrar poles visites. Una decisión qu'ayudó a combinar turismu con usu relixosu señala Benito Gallego, el Deán de la Catedral d'Uviéu.

Hestoria grabada en piedra que cunta cómo fai 250 años recibió'l Derechu d'Asilu, una protección que se daba a los que fuxíen de la xusticia o persecución. Y que sigue en ciertu mou acoyendo, como va cinco años colos trabayadores zarraos de Vesuvius.

Esti 23 d'avientu tamién se cumplen 28 años desque cinco trabayadores de Duro Felguera decidieren atrincherase na torre de la catedral protestando polos despidos, xubiendo los 184 pasos, igual que faen anguaño munchos turistes.

Fueron más de 150.000 anguaño, de nuevo cifra récord, los que contemplaron Uviéu dende 80 metros d'altor.